ඔබව වැඩිපුරම වේදනාවට පත් කරපු දෙය සිනහාවෙලා තව කෙනෙකුට කියන්න පුලුවන් මොහොතක් එනවා !

ජීවිතයට දැනෙන හිතට වදින සටහනක් අද උදෑසනම දැකපු නිසා මට හිතුනා ඒ් සටහන ඔබ වෙත මෙසේ ලියන්න. මේ සටහන මම උපුටා ගන්නේ අපේ හිතවත් සහෘදයෙක් වන මානව හැකියා සංවර්ධන උපදේශක සනත් ගමගේ මහතාගේ උදෑසන සුභ සිතිවිලි සටහනකිනි.

සනත් ගමගේ මහතාගේ මෙම ප්‍රයත්නයත් අප බෙහෙවින්ම අගය කල යුතුයි !

මේ ඔහුගේ සටහනයි ….

ආයුබෝවේවා!!! වකා වකා ලොව කුල්මත් කළ ගීය කියූ ශකිරාට තිබුනේ එළුවෙක්ගේ කටහඬක් කියා පාසලේ ගී කණ්ඩායමට ගත්තේ නැහැ. ඩිස්නිට නිර්මාණශීලීත්වයක් නැහැ කියා රස්සාවක් දුන්නේ නැහැ. අයින්ස්ටයින්ට ගණන් බෑ කතා කරන්න බෑ කියා අපහාස විඳපු දරුවෙක්. තෝමස් අල්වා එඩිසන්ට ඉගෙන ගන්න බෑ කියා ඉස්කෝලෙන් අයින් කළ දරුවෙක්. අපි වැඩිපුරම අපහාස ලබන දෙය තුළම අපට ශක්තිය ගෙන දෙන දේ සැඟව තියෙනවා. ඒ දිහා විවෘත මනසකින් බලමු. අපේ අඩුපාඩුව විකල්ප ක්‍රියා මාර්ග වලින් ශක්තියකට පරිවර්තනය කරමු.
අද ශක්තතිය ගන්න වකා වකා ගීයට නටන්න. ජය වේවා
!

මෙන්න ඒ් වකා වකා ගීතය :

වෙහෙසුණු මනස ගත සැහැල්ලු කර ගන්න සොබාදහාමේ ඇවිඳිමු….

අපි හැමෝම මේ ජීවන රටාවත් එක්ක අවීවේකී වෙලා ඉන්නේ. යන්ත්‍ර වගේ, අපිත් සොබාදහාමේ කොටසක් බව අමතක කරන්න එපා. ඒ නිසා ඉඩ ලැබෙන හැම අවස්ථාවකම සොබාදහාමත් එක්ක ඉන්න බලන්න. සිනහා වෙලා ඉන්න….ගස්වැල් වලට ආදරය කරන්න…කුරුල්ලෝ සිංදු කියනවා…. ගස්වැල් කතා කරනවා…. සත්තු සෙල්ලම් කරනවා……, මේවා බලන්න සොබාදහාමේ ආවිදින්න. හරියට භාවනාවක් වගේ……

ජීවිතය විදවනවාට වඩා විඳින්න උත්සහා ගමු……!!

මුට්ට කර ගසන්නා සහ වෛද්‍යවරයා (තංගවේලුගේ කතාව)

පසුගිය දවසක රූපවාහිණියෙන් විකාශය වු “සිහිනයකි රෑ වැඩසටහන” අන්තර්ජාලයෙන්  බලපු මට මේ සටහන ඔබ හමුවේ තැබීමට තරම් සිත යොමු වුයේ…., මිනිස්කම පිරුණු මිනිසුන් තවමත් අපි අතර ජීවත් වන බවට මට දැණුනු සතුට හෙයිනි. මේ වීඩීයෝව…..,

බලන්න…අහන්න…. සිතන්න, අපි ඔක්කොම මිනිස්සු

මොන්ගෝලියානු ගීතය

ගායනය : විශාරද නන්දා මාලිණියන්

ගේය පද : මහාචාර්ය සුනිල් ආරියරත්නයන්

සංගීතය : ඔස්ටින් මුණසිංහයන්

—————————————————————————————————————————-

දරුණු පිලිකාවක ග්‍රාහාණටය නතුව

මරණය හා පොර බඳිමින්…..සිටි නිමේෂයක

තමන් වෙනුවෙන් රැගෙන ආ දුර්ලභ වර්ගයක ලේ පැකට්ටුව

තමන්ට ලබා නොදී…..

හදිස්සියේ පැමිණිය හැකි ගැබිණි මවක් වෙත ලබාදීමට…..

සුරැකිව තබා ගන්නැයි ඉල්ලා සිටි……

තංගවේලු නම් මුට්ට කර ගසන්නාට පුදන වගයි……..

– වෛද්‍ය නුවන් තොටවත්ත – ( කවි පොතේ පිදුම ලෙස )

 

රොබින් හුඩ්ගේ මතකයන් සමග ස්ටෝන්හෙන්ජ්….(Stonehenge)

අපේ පාසල් කාලය හරිම සුන්දර විදියට ගත කල බව දැන් දු දරුවන්ගේ ළමා කාලය හා සංසන්දනය කරන විට අපිට දැනෙනවා නේද..? අපි ඒ කාලේ කරපු සෙල්ලං…බලපු හොඳ නාට්‍ය කතා මාලා කාටුන්, අද දරුවන්ට අත් විඳින්න ලැබෙන්නේ නැහැ. ඒ තරමටම මේ සමාජය සංකීර්ණ වෙලා…..තාක්ෂණික වෙලා.

ඉතින් ඒ දවස් වල අපි ආසාවෙන් ජාතික රූපවාහිණියෙන් නරඹපු කතා මාලාවක් තමයි “රොබින් ඹෆ් ෂර්වුඩ් (Robin of Sherwood)”. අපේ කාලයේ… අපේ වීරයා. එක්දහාස් නවසිය අනු ගණන් වල මුල් භාගයේ විකාශය වු අපි ආදරයෙන් වැලද ගත්ත කතා මාලාවක්. එම රොබින් හුඩ් කතා මාලාවේ අප කාගේත් සිත් ගත්ත ස්ථානයක් තමයි “ස්ටෝන්හෙන්ජ් (Stonehenge)”.

ස්ටෝන්හෙන්ජ් Location එකක් විදියට අවස්ථා කිහිපයකදීම රොබින් හුඩ් කතා මාලාව තුල යොදාගෙන තියෙනවා. ඉතින් ඒ පිළිබඳව සරලව විස්තර කෙරෙන වීඩියෝවක් අපි විසින් නිර්මාණය කලා . බලන්න මෙම වීඩියෝව ඹබේ ළමා කාලය නැවත මතක් කරනවද කියලා…..

අපි කවුරුත් දන්න Windows Wallpaper එකේ තියෙන්නෙත් මෙම ස්ටෝන්හෙන්ජ්…..

“සිංහල” සහ සංහිදියාව…..!!!!

මිනිස්සු ඕන තරම් එක එක සෙල්ලම් කරනවා……, සෙල්ලම් දානවා. සමහර අය ” වචන” අල්ලගෙන සෙල්ලම් කරනවා, වචන හින්දා රණ්ඩු වෙනවා…., හිත් අමනාපකම් ඇති කර ගන්නවා…..මරා ගන්නවා. ඒ එක එක “වචන” නිසා.

මිනිස්සු  බොහෝමයක් වචනයක් කියපු ගමන් කුලප්පු වෙනවා……. එහි තේරුමක් පිළිබඳව වැටහීමක් නොමැතිව ප්‍රශ්ණ ඇති කර ගන්නවා. සමහර වචන, ජාතීය ආගම ඇදහිල්ල කතාකරන භාෂාව ප්‍රදේශ අනුව හරිම සංවේදියි. සමහර අයට මේවා කියා දෙන්න විශ්ලේෂනය කරගන්න තේරෙන්නේ නැහැ. ඔන්න එහේම වුනාම එක එක  ලේබල් ගහනවා……ලේබල් වදිනවා….. (ජා…..න්….. ආ….දීන්…..)

“සිංහල ” කියන වචනය ට ඒ වගේම ලංකාව පිළිබඳව ඉතා විශිෂ්ඨ අර්ථකතනයක්, ගීතයකින් කරන විග්‍රාහායක් පසුගියදා මම දැක්කා. ඒ නිසාම මෙම සටහන ඔබ හමුවේ තැබීමට මට සිතුණා.

ජ්‍යෙෂ්ඨ මහාචාර්ය පුජ්‍ය පාතේගම ඥාණේස්වර ස්වාමින් වහාන්සේ  සිදුකරන මෙම විග්‍රාහාය හොඳින් අහාන්න….බලන්න. අපි වචන එක්ක කරන ගණුදෙනුව හරියාකාරව සිදු කල යුතු බවට කාලෝචිත විස්තර කීරිමක් උන් වහාන්සේ සිදුකරනවා.

පහාතින් තිබෙන මෙම විඩීයෝව බලන්න…..

( වටිනා කාලෝචිත අදහස් දැක්වීමකට හැමදෙනාටම විවෘතයි……!!)

රූකාන්තත් කලා ලෝකයට අහිමි කිරීම හෙවත් කලාව දේශපාලානාරූඩ කිරීම…??

රූකාන්ත ගුණතිලක යනු සංගීත ලොවේ දැවන්තයකි. ඔහු දක්ෂ ගායන ශිල්පියෙකි, ඔහු දක්ෂ සංගීත අධ්‍යෂවරයකි. ජනසමුහයක් ම පිළිගත් ගායන ශිල්පියෙකි. අවුරුදු ගණනාවකට පෙර ඔහු ඇතුලු ඔහුගේ පවුලේ අය අති භයානක මැර තර්ජනයකට ලක්වුණු බව ද අප කවුරුත් දන්නා කරුණකි.

දැන් රනිල් වික්‍රමසිංහ ඒ ආදරණීය ගායකයාවත් කලා  ලෝකයට අහිමි කරන්න යන්නේ අමුතු විදියකටයි. ඒ ඔහුගේ හිස මතට රත්තරන් ඹටුන්නක් යැයි පෙන්වමින් දඹදෙණියේ ආසන සංවිධායකධුරය යන කටු ඹටුන්න ඔහුගේ හිස මත පලදවමිනි.

f4179469541bb0254989d713cb4a64c2

(ඡායාරූපය: අන්තාර්ජාලයෙනි)

කලා ලෝකය ලස්සන වන්නේ කලාකරුවන්ගෙනි. ඒ කලාකරුවන්ට කිසිදු භේදයකින්  තොරව ජනතාව ආදරය කරන්නේ ඔවුන්ගේ කලා නිර්මාණ රසවිඳින නිසයි. කලාකරුවන් ගැන කුමන කතාද, හාමුදුරුවොත් එක එක පක්ෂ වලට බෙදිලා මිනිසුන්ව බෙදනවා. සිවුරු කැහැපොට ගහාගෙන ඡන්දේ ඉල්ලනවා. දේශපාලන වේදිකා වලට නැගලා තවත් කණ්ඩායමකට එරෙහිව යටිගිරියෙන් කෑ ගහාලා අමු තිත්ත කුණුහරුපෙන් බණිනවා.

බුදුන් වහාන්සේ දේශණා කල ශ්‍රී සද්ධර්මය  සිවුරු පෙරවා ගත්ත ඒ ඒ උන්නාන්සේලාගේ අධික වු කාමභෝගී අවශ්‍යතා මත වෙනස් කරමින් ජනතාව නොමග යවමින් ඔවුන් අතර අසමගිතාවය වෛරය ඇති කරනවා. ( සැ.යු:  බුදුරදුන්ගේ ශ්‍රී සද්ධර්මය සුරකින සිල්වත් ස්වාමින් වහාන්සේලාට මෙය අදාලම නොවේ).

කලාව, ආගම උපයෝගී කර ගනිමින් මිනිසුන් ව භේද බින්න කරනවනම් ජාතීය, කුලය හා භාෂාව පදනම් කරගනිමින් කරන  බෙදීම් පිළිබඳව කවර කතාද?.  රූකාන්තව කලා  ලෝකයට අහිමි කරන්න යන අමුතු විදිය ගැන හරි අපුරු විග්‍රාහායක් SL Vlog කරන දර්ශන හඳුන්ගොඩ අපේ සහෝදර හිතවතා මෙන්න මේ විදියට පල කරලා තියෙනවා.

කලාකරුවන්…. ආගමික නායකයින්….. කිසිදු දේශපාලන පක්ෂයකට කොටු විය යුතු ගාල් කර තැබිය යුතු පිරිසක් නොවේ. ඔවුන් ජනතාවට හරිමග පෙන්වන සමාජය යහපැවත්මකට යොමු කරන පිරිසක් විය යුතු බවයි මා දරන මතය වන්නේ. ඒ නිසා රූකාන්තට ඔහුගේ කලා ලෝකය අහිමි නොකිරීමට නම් ආදරණීය ජනතාව ඉදිරියේදී තීන්දුවක් ගත යුතුය. ඒ තීන්දුව ජනතාව හරියට ගත්තොත් දිනන්නේ රූකාන්තය…..පරදින්නේ රනිල්ය.

ඒ මක්නිසාද යත් ජනතාව වෙනුවෙන් ඔහුට දිගටම කලාව තුල රුඳී සිටීමට ජනතා තීන්දුව ලබා දෙන හෙයිණි……!!

 

අම්මලා සහ අප්පච්චිලා……

පසුගිය දවසේ රූපවාහිණියෙන් විකාශය වු “සිහිනයකි රෑ “වැඩසටහන බැලුවෙමි. මම කොහොමත් ඒ වැඩසටහන බලන ප්‍රේක්ෂකයෙකි. එදා එම වැඩසටහනට වැඩම කර සිටියේ ජේ්්‍යෂ්ථ මහාචාර්ය අපේ අති ගෞරවණීය පාතේගම ඥාණේස්වර ස්වාමින් වහාන්සේය.

එහිදි ප්‍රේමකීර්තිද අල්විස් මහතා විසින් රචිත මර්වින් පෙරේරයන් ගායනා කල “කතරක තනි වී” ගීතය පිළිබඳව  අපේ හාමුදුරුවන් වහාන්සේ විචාරයක යෙදිණි.  එම විචාරය අතර තුර උන්වහාන්සේගෙන් අසන්න ලැබුණු වටිනා කතාවක් මගේ හිතට කා වැදුණා.

අද ඉන්නේ දරුවෝ ඉන්න ගැහැණුයි…..දරුවෝ ඉන්න පිරිමියි…., දරුවෝ ඉන්න අම්මලා, දරුවෝ ඉන්න අප්පච්චිලා අද අඩු වෙලා…..අම්මා අප්පච්චි කියන්නේ උදාර වචන. අම්මා කෙනෙක් වෙන්න බැහැ හැමෝටම…. අප්පච්චි කෙනෙක් වෙන්න බැහැ හැමෝටම…. සිවුබඔ දරන දරුවෝ ඉන්න කාන්තාව තමයි අම්මා කියන්නේ….. සිවුබඔ දරන දරුවෝ ඉන්න පිරිමියා තමයි අප්පච්චි. ඒ නිසා අද අපේ රටේ අම්මලා අප්පච්චිලා ගොඩාක් අඩුයි.

මේ කතාවේ තිබෙන යථාර්තය බලන්න, අපේ අද සමාජයේ දරුවන් කොච්චර අසරණද? දෙමව්පියන් කාර්ය බහුල වෙලා…. ඔවුන් ඔවුන්ගේ ලෝක වල…. වැඩිහිටියෝ සල්ලී පස්සේ දුවනවා. දරුවන් ඔවුන්ගේ ලෝක වල, අන්තර්ජාලය තුල අතරමං වෙලා. සමහර ගැහැණු ඉපදුණු ගමන් තම දරුවව මරලා දානවා, තවත් ගැහැණු තම ඉපදෙන්න ඉන්න දරුවව මරණවා හෝ මරවණවා.

ලක්ෂ ගණන් වියදම් කරලා වෙඩින් උත්සව ගන්නවා, දවස් ගාණකින් මාස ගාණකින් දික්කසාද වෙනවා. දික්කසාද නඩු සීග්‍රයෙන් වැඩිවෙලා. නීතිඥයන්ට සල්ලි උල්පතක් වෙලා. තවත් උසාවී කාමර වැඩිකරලා දික්කසාද නඩු අහාන්න. විවාහය තුල අවබෝධය ගරු කිරීම නැතිවෙලා. මිනිස්සු යන්ත්‍ර වගේ. ආදරය කරුණාව ගරු කිරීම ඉවසීම වේගයෙන් මිනිසුන්ගෙන් ඈත් වෙනවා.

ලස්සනට ජීවත් වු පවුල් අවුල් වී ගෙන යනවා. දු දරුවන් දෙමාපියන් අතර සම්බන්ධය දරුණු ලෙස බිඳ වැටිලා.  මොකක්ද මේ වෙන්නේ……….

මට මතක් වෙනවා ලස්සන ගීතයක් සෝමතිලක ජයමහා ශූරීන්  ගායනා කරන. මෙම ගීතය අහලා බලන්න…….. පවුල තුල තිබෙන සතුට…..අද පවුල තුලත් මේ විදියට ම තිබෙනවා ද කියලා.

අදට නවතිමි………!!

 

පච වීම නොහොත් ලැජ්ජා නැතිකම….

ජාතික වීරයෙක් විදියට ජනතාව ගෞරව දක්වන තරම් සිටි මහින්ද මේ වගේ අජුත ලෙස පච වන්නේ ඔවුන් විසින්ම සිදු කරගන්නා අමන ක්‍රීයාවන් නිසාය. දැන්වත් ඔබ වටේ ඉන්න ගොන් බයියලාගෙන් ඈත්වෙලා ඔබේ විශ්‍රාම දිවිය ශිරන්ති සමග සුවෙන් ගත කරන්න. ඔය නාමල් බේබිටයි යෝෂිතටයි කියන්න තවත් ගොන්කම් කර කර ඉන්නේ නැතිව රගර් මැච් එකක් ගහලා රටට කීර්තියක් ගේන්න කියලා. ඔබගේ රොකට් පුතාට කියන්න NASA එකට ගිහිල්ලා අර අඟහරු ග්‍රාහායා වෙත යවන කණ්ඩායමට එක්කෙනෙක් අඩුවෙලා ඉන්නවා, අන්න ඒ කණ්ඩායමට එකතු වෙන්න කියන්න. අඩුගානේ අපේ එකෙක් අඟහරු වලට පා තැබුවා කියන්නවත්…..

ඔය ගඳ ගහන මැක්කෝ කිණිතුල්ලෝත් දැන් ඇති මේ තරම් ලේ බිව්වා….. මේ රට හරි මාවතට ගන්න හොඳ බුද්ධිමත් මිනිස්සු ඉන්නවා. ඔවුන්ට ඒ සඳහා අවස්ථාව ලබා දී අපි හැමදාම දකින පරවුණු මුහුණු, දැන් ඔබට නික්ම යන්නට කාලය පැමිණ ඇත.

මහින්ද….. පච වුණා ඇති නේද…..????

අද ගොසිප් ලංකා නිවුස් විස්තරය ත් මේ සමග බලන්න.

https://www.gossiplankanews.com/2018/12/mahinda-judge.html#more

රට කරවන්ට නම්……….

අපේ රටේ ජනතාව ට තවත් ගෙම්බන් හොරුන් මිණිමරුවන් සල්ලාලයින් මැරයින් ස්ත්‍රී දුෂකයින් පත්කර ගැනීමට අවස්ථාව උදා වී ඇත. උඩදාගෙන උන්ටම නැවතත් කතිරේ ගහපල්ලා……අවුරුදු 70ක් උඹලා උන්වම ඕනෑ කියලා කෑ ගහ ගහ හිටියනේ. ආයේ ගහපල්ලා……….   අනේ……..,   උඹලට දෙවියන්ගේම පිහිටයි…..!!!

අපේ රටේ අනාගතය පිළිබඳ මට හිතෙන දේවල් කොසොල් රජතුමන් අනාගතය පිළිබඳ දුටු සිහින 16 වගේ ම මට මතක් වෙන්නේ අපේ ආචාර්ය නන්දා මාළිණියන් ගායනා කරන මෙම ගීතයයි.  “රට කරවන්න ට නම්……..”