රට කරවන්ට නම්……….

අපේ රටේ ජනතාව ට තවත් ගෙම්බන් හොරුන් මිණිමරුවන් සල්ලාලයින් මැරයින් ස්ත්‍රී දුෂකයින් පත්කර ගැනීමට අවස්ථාව උදා වී ඇත. උඩදාගෙන උන්ටම නැවතත් කතිරේ ගහපල්ලා……අවුරුදු 70ක් උඹලා උන්වම ඕනෑ කියලා කෑ ගහ ගහ හිටියනේ. ආයේ ගහපල්ලා……….   අනේ……..,   උඹලට දෙවියන්ගේම පිහිටයි…..!!!

අපේ රටේ අනාගතය පිළිබඳ මට හිතෙන දේවල් කොසොල් රජතුමන් අනාගතය පිළිබඳ දුටු සිහින 16 වගේ ම මට මතක් වෙන්නේ අපේ ආචාර්ය නන්දා මාළිණියන් ගායනා කරන මෙම ගීතයයි.  “රට කරවන්න ට නම්……..”

Advertisements

ජීවිතය නොදකින අපේ දරුවෝ…..

මනුස්සයකු වෙලා ඉපදීම ම උතුම් වු කුසල කර්මයන් හි ප්‍රතිඵලයක් බව අප කවුරුත් දන්නවා.  මිනිස් ජීවිතයක් නීරෝගි  ලෙස ලැබෙනවා කියන්නේද මහාත් වු භාග්‍යයක්.  එවන් වු වටිනා ජීවිතයක් උරුම වී ජීවිතය විනාශය කරා රැගෙන යන දු දරුවන් අද වන විට විශාල වශයෙන් දකින්නට ලැබෙනවා.

අන්තර්ජාලයේ හුවමාරු වී මා හට දකින්නට ලැබුණු මෙම වීඩියෝව වර්තමාන දරු පරපුරේ, තරුණ තරුණියන්ගේ අනාගතය පිළිබඳ මැවෙන අදුර එසේත් නැත්නම්  ඛෙදවාචකය කදිමට පෙන්වා දෙනවා. අයහපත් මිතුරු ඇසුරෙන් මත්ද්‍රව්‍ය භාවිතයට හුරුවන දරුවන්, තරුණ තරුණියන් ඔවුන් මොනවද කරන්නේ කියාවත් නොදැන අවුල් වු මනසකින් ජීවිතයේ වටිනාකම අතහරිනවා. ඔවුනට වටිනාම දෙය වන්නේ මත් වෙලා තාවකාලිකව විදින කාලකණ්නි සතුට පමණයි.

මෙම තත්ත්වයෙන් අපේ දරුවන් තරුණ තරුණියන් මුදවා ගැනීමට අප ඉක්මනින්ම කටයුතු නොකලහොත් තවත් අවුරුදු 10න් පමණ අනාගත අපේ රට,  අපරාධ වලින් ඉහලින්ම සිටින බෙලහීන මිනිසුන්ගෙන් සමන්විත තවත් ” හයිටි “  රාජ්‍යයක් වනු නොඅනුමානයි.

අපේ දරුවන් වෙනුවෙන්………..අනාගතය වෙනුවෙන්…….. අද දවසේ හැමෝටම වගකීමක්, යුතුකමක්……. ඇති බවයි මාගේ හැඟීම…….!!!!!

 

කොළඔ ඇල්ලීම හා නාඩගම් – 2 “රාජපක්ෂගේ රස්තියාදුව”

ජනබලයට පැමිණි පුද්ගලයකු හෘදයාබාධයකින් මරුට – බීමත්ව රෝහල් ගතවූවන් 81 යි – අවුල් වුනේ රෑට බොන්න නොදුන් නිසාද?

උද්ඝෝෂණයට පෙර සිටම නාමල් හිල්ටන් එකේ මහින්ද අද රෑ ටජ් එකේ හිටපු ඇමතිවරු ෂ්‍රැංග්‍රිලා එකේ

ජනබලය නිසා ගෙදර යන්න බැරිව කාර්යාල සේවකයින් අපහසුතාවයේ

උපුටා ගැනීම:  ගොසිප් ලංකා

මේ අන්තර්ජාලයේ වාර්තා කර තිබු පුවත් සිරස්තල කිහිපයකි. නාමල් බේබිගේ මග පෙන්වීම යටතේ මහින්දගේ රස්තායාදුව  සිදුවී තිබුණේ එදා වේලා පිරිමසා ගැනීම සඳහා ජීවන අරගලයක යෙදෙන විශාල අසරණ මිනිසුන් පිරිසක් රස්තියාදු කරමිණි.

මේ ඒ මිනිසුන්ගේ හඬයි…………

කොළඔ ඇල්ලීම හා නාඩගම්

අද  කොළඔ වට කරලලු. ලංකාවේ ජනතාව අද ඔක්කොම කොළඔට ඇවිල්ලලු……….!!!!

ලංකාවේ නිවුස් වලට කියනවා.  කියනවා නොවේ,  සමහර මාධ්‍ය කියවගෙන කියවගෙන යනවා.   මට හරි ම පුදුමයි. ලංකාවේ මිනිස්සු හරි පුදුම ජාතියක්නේ……අපේ මේ පුංචි දුපතේ මිනිස්සුන්ට දැන් වෙන ප්‍රශ්ණ නැහැ. ඒගොල්ලන්ට දැන් හරි ජය පාටයි.

ඒ ජනතාව අදහන දෙවි  දේවතාවන් සැප සීතල වාහන වලින් බැස අර ප්‍රීතිමත් ජනතාව අතරට යනවා……

ඒ ජනතාව එක පොරයට ” අපිට ඕන ආණ්ඩුවක්…….., ම……..ගේ ආණ්ඩුවක්  ” කියලා කෑ මොර දෙනවා බොලේ….. “දෙවි දේවතාවන් කියනවා ඔය ආපු කවුරුත් කොළඔ දාලා යන්න එපා කියලා…… කීකරු ජනතාව ජය පැන් බිබි බුරියානි කකා ජය වේවා……ජය වේවා ……!!!! කියනවා”

අනේ….. පව් නේද……????

කවුද??? ජනතාවද…..?????

නැහැ…,  “ම….පක්ෂ”

අනේ……..මම වැරදිද…..?????

a577c5e95d0da239cf07c21ee21ceeab_L

 

දරුවන්…ශිෂ්‍යත්ව විභාගය සහ නොසන්ඩාලයෝ…….

අද (2018.08.05) ලංකාවේ ප්‍රවෘත්ති බලන විට ඉතාම අනුවේදනීය පුවත් කිහිපයක් දැක්කා. ශිෂ්‍යත්ව විභාගයට පෙනී සිටින්න ට සිටි දරුවන් පිරිසකට සිදුවු ඉතා අමිහිරි සිදුවීම් කිහිපයක් නිසා බලවත් කම්පනයකටත් සිත් වේදනාවකටත් මම පත් වුනෙමි.

ශිෂ්‍යත්ව විභාගයට පෙනි සිටින දරුවන් වෙනුවෙන් පදවිය ප්‍රදේශයේ විහාරස්ථානයක සංවිධානය කර තිබු බෝධී පුජා පිංකම අතර තුර බඔර වදයක සිටි බඔරුන් ඇවිස්සී දෂ්ඪ කිරීමෙන් දරුවන් 200ක් පමණ පිරිසක් අනතුරට පත්වෙලා රෝහල් ගත කරලා.

මහියංගණය ප්‍රදේශයේදී සිය මව සමග  ශිෂ්‍යත්ව විභාගයට පෙනි සිටීම සඳහා පාපැදියකින් ගමන් කරමින් සිටි දැරිවියකට වන අලි ප්‍රහාරයක් එල්ල  වීමෙන් මවත් එම දරුවාත් තුවාල ලබා රෝහල් ගත කර ඇති අතර ඉතා අමාරු තත්ත්වයෙන් එම අසර‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍ණ දරුවා  ඒ අසල වු පාසලක සිට විභාගයට පෙනි සිට ඇත.

තවත් ඉතා ම සංවේදී සිදුවීමක් වන්නේ, අම්පාර ප්‍රදේශයේ පසුගිය දිනෙක වන අලි ප්‍රහාරයෙන් මිය ගිය සිය ආදරණීය පියාගේ දේහය නිවසේ තැන්පත් කර තිබියදී, අද දින ශිෂ්‍යත්ව විභාගයට පෙනි සිටීමට මියගිය අයගේ දියණිය මියගිය සිය පියාට වැද නමස්කර කර විභාගයට පෙනී සිටිමට යාමට සිදුවීමයි.

මෙම සිදුවීම් දෙස බැලීමේදී ලංකාවේ දරුවන් කොතරම් අනාරක්ෂිතද…… අසරණ වෙනවාද යන්න අපට දැනෙනවා නේද??  ” අධ්‍යාපනය සැමට සමානයි ” ……, ” ළඟම පාසල හොඳම පාසල ”  කියලා මහ උදවිය පම්පෝරී ගැහුවට…….මොන බම්බුවක් ද මේ……..???? මේ සමාන අධ්‍යාපනය ද????

අපේ  සාමන්‍ය ජනතාවගේ  දරුවන් හැමදාම අසරණයි………

කොළඹ කාර් එකෙන් හෝ බස් එකෙන් ශිෂ්‍යත්ව විභාගයට යන දරුවයි…………… මහියංගණයේදී පා පැදියෙන් ගිහිල්ලා අලින්ට බිලිවන දරුවායි මේ ඔක්කෝම අපේ උන් නේද….??? ඇයි මහියංගණයේ……. අම්පාරේ දරුවෝ අමුතු කට්ටියක් ද????.

අනේ……. සමාවෙන්න………. මේක අලින්ගේ ප්‍රශ්ණයක් නෙමේ….. මේක මහා එවුන්ගේ  නොසන්ඩාලකම. ( මහ එවුන් කිව්වේ අර පඩිය 215% වැඩි කර ගන්න දඟලන දියවන්නාවේ සෙට් එක. අනේ එතන හොඳ උන් කිහිප දෙනෙකුත් ඉන්නවා…….හැබැයි උන් අසරණයි…….). කිසිම ප්‍රශ්ණයකට ලංකාවේ හරි උත්තර නැහැ…… ඔක්කෝම පැලස්තර උත්තර. උන් බලන්නේ උන්ගේ පඬිය වැඩිකර ගන්න. උන්ගේ පැවත්මට අවශ්‍යය දේවල් ටික කර ගන්න…… අවුරුදු 5 ක් කොහෝම හරි කුණු අවුස්ස අවුස්ස ඉඳලා, ජීවිතයටම උරුම වන පැන්ෂන් එකට තමයි උන් දඟලන්නේ.

හෙට එලිවෙන කොට තව තවත් මේ වගේ ප්‍රවෘත්ති ඕන තරම් තියෙයි………ඒත්…….., අපේ මිනිස්සු තවමත් වහාලුන් විදියටම එක එකා පස්සේ යයි…….!!!!!! ඔවුන්ට මේ ක්‍රමය වෙනස් කර ගැනීමට තරම් ප්‍රමුඛතාවයක් ඇති වී  නොතිබෙන බවයි මටනම් දැනෙන්නේ………….

පව්…………අසරණ…….. දරුවෝ………

අපේ උන්ගේ අනාගතය………….??????

( ඡායාරූප : ස්වර්ණවාහිණි පුවත් ඇසුරෙන්)

මනුස්සකමට කල නොහැකි දෙයක් නොමැත……!!

තායිලන්තයේ තම් ලුවාං ලෙනෙහි සිරවී සිටි ළමුන් 12 දෙනා සමඟ ඔවුන්ගේ පාපන්දු පුහුණුකරුද මුදවා ගැනීමට සහන සේවා බලකායන් පසුගිය දින ගණනාව පුරා වෙහෙස වු ආකාරය මුලු ලෝකයම බලා සිටියේ “අනේ මේ දරුවෝ ටික කොහෝම හරි නිරුපද්‍රතිව බේරා ගැනීමට ලැබේවායි ප්‍රාර්ථනා කරමිනි……….!!!!”

ඇමරිකාව, බ්‍රිතාන්‍ය, ඕස්ට්‍රේලියාව ඇතුලු රටවල් ගණනාවකම විශේෂ පුහුණුව ලත් කිමිදුම් කණ්ඩායම් ඒ වගේම ජීවිතාරක්ෂක කණ්ඩායම් රාශියක් තායාලන්ත රජය සමග එක්වෙමින් මෙම ගුහාව තුල සිර වු 13 දෙනා බේරා ගැනීමට ස්වෙච්ඡාවෙන්ම කල දායකත්වය කැපකිරීම ඇත්තටම වචනගත කල නොහැක. ඒ තරමටම මනුස්සකම උතුරා ගිය කණ්ඩායම් හැඟීමෙන් වැඩ කර මෑත කාලයේ  ජීවිත බේරාගත් විශාලතම මෙහෙයුමක් බවට පත් විය.

දින 18කට පෙර  අතුරුදන් වූ ළමුන් සෙවීමේ සහ  බේරා ගැනීමේ මෙහෙයුම  මට සිහිගැන්වුයේ 2009 වසරේ ශ්‍රී ලංකාවේ මාවිල්ආරු අවසන් සටනේ ත්‍රස්තවාදී  ග්‍රාහාණය යටතේ සිටි ලක්ෂ දෙකහාමාරක පමණ වු අහිංසක ජනතාව මුදා ගැනීමට ශ්‍රී ලංකා හමුදාව දියත් කල මානුෂික මෙහෙයුමයි. ඒ වගේම චිලි රාජ්‍යෙය් පතලක සිර වී සිටි පිරිසක් බේරා ගැනීමට සිදුකල මෙහේයුමද මගේ මතකයට නැගෙයි.

ගුහාව තුල සිර වි සිටි දරුවන් බේරා ගැනීමට දායක වු ස්වෙච්ඡා කිමිදුම් කරුවකු ද මේ අතරතුර මියගියේ මෙම සිදුවීම් පිළිබඳව උනන්දුවෙන් සිටි හැමොගේම නෙත් කදුළින්  තෙත් කරමිනි.

පාපන්දු  ලෝක කුසලානය සඳහා රුසියාවේ දී රටවල් ගණනාවක තරඟකරුවන් ක්‍රීඩා කරද්දී  තායිලන්තයේ  පාපන්දු ක්‍රීඩා සමාජයක ක්‍රීඩකයින් වු මේ දරුවන් ඔවුන්ගේ පුහුණුකරුද සමඟ ගුහාවක් තුල ජීවිතයත් මරණයත් අතර සටනක හුදකලා වී සිටියේය………

“මනුස්සකමට කල  නොහැකි දෙයක්  නොමැති බව පසක් කරමින් හැමෝගේම ආදරය කරුණාව මැද මුලු ලෝකයක්ම බලාසිටි ඒ දරුවන් සියලු දෙනාම අද දවස වන විට මුදාව ගත් බවට ජනමාධ්‍ය මඟින් ප්‍රකාශ කලේ හැමෝගේම බලාපොරොත්තු සතුටු කරවමිනි……”

 

 

ඥාණසාර නාටකය….

එක්නැලිගොඩ – ඥාණසාර නාටකයේ තවත් එක් කොටසක් ප්‍රේක්ෂකයින් මවිතයට පත්කරමින්  අද අවසන් විය. ජනතාව…..ප්‍රේක්ෂකයින් පුල පුලා බලා සිටින 2020 මහා නාටකයට පෙර ඥාණසාර නාටකයේ තවත් රසබර  කොටස්  ඉදිරියේ දී වරින් වර ප්‍රේක්ෂකයින්ට දැක බලා ගත හැකි බව එහි ප්‍රධාන අධ්‍යක්ෂවරයා මෙන්ම සුදු වෑන් ක්‍රියාදාම නාටක මාලාවේ අධ්‍යක්ෂධුරාන්දර (………. …….) ඇතුලු සහාය අධ්‍යක්ෂවරුන් (….. ,……., ……, ……,……) දේශ හිතේෂී මාධ්‍යයන් වෙත දන්වා සිටියි.

ජනතාවට දැනෙන බදු බර, ප්‍රශ්ණ, රටේ සම්පත් හොරා කෑම, ඇතුලු අනේක විධ ප්‍රශ්ණ හැම දෙයක්ම අමතක කර තලු මර මර රසවිඳිය හැකි අලුත් ම කොටස් කිහිපයක් ඉදිරියේ විකාශණය වන බව ද අධ්‍යක්ෂවරුන් වැඩිදුරටත් පවසයි.

නැවතත් කෙටි විරාමයක්……………!!!!